Thursday , April 3 2025
Buwaya Micka Bautista

Pagala-gala sa ilog
BUWAYA NAHULI SA BITAG NG ISDA

NAKAHINGA nang maluwag ang mga residente sa isang barangay sa bayan ng Guiguinto, sa lalawigan ng Bulacan nang mahuli nitong Linggo ng hapon, 17 Hulyo, ang buwayang nakikita nilang gumagala sa isang ilog.

Nabitag ang buwaya dakong 2:00 pm kamakalawa sa ilog ng Sityo Tabon, Brgy. Malis, sa nabanggit na bayan na ayon sa mga residente ay matagal na nilang nakikita sa naturang barangay.

Nagdulot ito ng takot sa mga residente na nasa tabi ng ilog na kadalasan ay inaabot ng baha lalo kapag high tide.

Kapag tumataas ang tubig sa naturang barangay, nabatid na sakmal ng takot ang mga residente sa pangambang umahon sa kanilang mga bahay ang buwaya.

Dahil dito, bumuo ang lokal na pamahalaan, sa pamumuno ni Mayor Agay Cruz, ng Oplan Buwaya Rescue and Recovery Team sa pakikipagtulungan ng Municipal Environment and Natural Reources Office (MENRO), Municipal Agriculture Office (MAO), Municipal Disaster Risk Reduction and Management Office (MDRRMO), at sa  pakikiisa ng mga opisyal ng barangay.

Matapos mahuli ng mga residente, dinala ang buwaya sa Biodiversity Management Bureau ng Department of Environment and Natural Resources (DENR) upang matiyak na ligtas ito. (MICKA BAUTISTA)

About Micka Bautista

Check Also

Benhur Abalos Jr

Abalos bitbit ng Liga ng mga Barangay sa Pilipinas

OPISYAL nang inendoso ng Liga ng mga Barangay sa Pilipinas (LNB) ang kandidatura ni dating …

Bulacan Police PNP

Crackdown ng Bulacan PNP laban sa krimen, walong pugante at isang tulak nasakote

SA WALANG tigil na anti-criminality operations, naaresto ng pulisya ang kabuuang siyam na indibidwal na …

PNP PRO3

Mga insidente ng krimen sa Central Luzon, bumaba ng 19.37%

INIULAT ng Police Regional Office 3 (PRO3) ang pagbaba sa mga insidente ng krimen sa …

Bulacan DOH-CLCHD IMPACT Awards

DOH-CLCHD, kinilala ang mga programa ng Bulacan para sa infectious diseases

KINILALA ng Department of Health-Central Luzon Center for Health Development (DOH-CLCHD) ang mga pagsisikap ng …

Ayuda mula sa gobyerno mahalaga pero mamamayan ‘di dapat umasa — Pamilya Ko Partylist

Ayuda mula sa gobyerno mahalaga pero mamamayan ‘di dapat umasa — Pamilya Ko Partylist

NANINIWALA si Pamilya Ko Partylist (PKP) 1st Nominee Atty. Anel Diaz na malaki ang naitutulong …