HATAW! D'yaryo ng Bayan hatawtabloid.com
MANILA, Philippines—tinulungan ni Pinoy Kobe Paras ang opensa ng Niigata Albirex BB para matuldukan ang kanilang 14-game skid nang talunin nila ang Osaka Evessa, 73-66 sa pagpapatuloy ng Japan B.League nung Miyerkules sa Ikeda City Satsukiyama Gymnasium.
Kumana si Paras ng 10 puntos kasama dun ang dalawang three-pointers, limang rebounds, at dalawang assists para prenuhan nila ang kamalasan at mag-imprub ang kanilang karta sa 6-44.
Si Yuto Nohmi ang nanguna sa iskoring para sa Niigata na may limang triples para sa kabuuang 19 puntos, eight assists, four rebounds at two steals. Nag-ambag si Zen Endo ng 16 puntos at siyam na rebounds galing sa bench, samantalang si Jeff Ayres ay may 14 puntos, 24 boards at apat na butata.
Sa ibang laro ng Pinoy, nanalo ang Nagoya, ang team ni Bobby Ray Parks Jr laban sa team ni Kiefer Ravena na Shiga, 79.77.
Sa ikatlong pagkakataon ay hindi nakalaro si Parks Jr. dahil sa injury.
Si Tatsuya ang naging hero sa panalo ng Nagoya nang ipasok niya ang isang floater sa final minute para tumapos ng 10 puntos para matabunan ang 19 puntos na ginawa ni Ravena para sa Shiga.
May karta ngayong 33-14 ang Nagoya.
Si Ravena ang siyang nagdala sa Shiga, bukod sa 19 puntos, nag-isyu siya ng walong assists, four rebounds at four steals. Bumagsak ang kanilang karta sa 14-41.
Natalo rin ang team ni Thirdy Ravena na San-En Neo Phoenix sa Levanga Hokkaido, 97-89.
Ang batang Ravena ay gumawa ng 12 puntos, dalawang rebounds, dalawang assists at dalawang steals..
