HATAW! D'yaryo ng Bayan hatawtabloid.com
I-FLEX
ni Jun Nardo
ISINASALANG na si Maja Salvador sa Bawal Judgmental segment ng Eat Bulaga.
Eh nang sumalang si Maja sa Bulaga, ang segment na Dc Queen ang hawak niya. Intro ng contestants at after ng segment, waley na siya.
Nang bumalik uli si Maja sa noontime show, may dance contest pa rin. But this time, hindi lang hanggang contest siya napapanood.
Bahagi na rin si Maja ng Bawal Judgmental. Eh sa segment na ‘yon, hindi scripted ang sinasabi ng EB Dabarkads na nakasalang magtanong sa choices.
Kaya naman spontaneous ang nanyayari sa pagtatanong ng Dabarkads kaya nakakatawa minsan. Eh in fairness naman sa pagsalang ni Maja sa segment, unti-unti na siyang nakakasabay sa ibang hosts, huh! Kaunting hasa pa eh makakasabay na rin siya sa kalokohan ng ibang Dabarkads!
