Friday , November 15 2024
Bongbong Marcos Sara Duterte proclamation rally Micka Bautista Photo

Proclamation rally ng ‘Agila at Tigre’ sa PH Arena dinumog

DINUMOG ng libo-libong tagasuporta ang naging proclamation rally nina presidential at vice presidential aspirants Ferdinand Marcos, Jr., at Sara Duterte sa Philippine Arena, sa bayan ng Bocaue, lalawigan ng Bulacan, nitong Martes, 8 Pebrero.

Dinalohan ng iba’t ibang personalidad mula Luzon, Visayas at Mindanao ang programa na tinampukan ni Toni Gonzaga bilang host.

Nagsara ang mga entry at exit points sa North Luzon Expressway (NLEX) dahil sa rami ng sasakyan na pumasok sa bisinidad ng Philippine Arena upang matunghayan ang proklamasyon nina Marcos Jr., at Inday Sara.

Nagsimula ang programa pasado 4:00 pm at isa-isang tinawag at pinagsalita ni Gonzaga ang senatorial line-up ng BBM-Sara Uniteam. Una ang ginang ni Gringo Honasan, na hindi nakarating sa okasyon, kasunod sina Gibo Teodoro, Sherwin Gatchalian, Migz Zubiri, Herbert Bautista, Harry Roque, Mark Villar, Larry Gadon, Loren Legarda na nagsalita via Zoom, Jinggoy Estrada, at Dante Marcoleta.

Tinawag ni Gonzaga sina Marcos bilang Tigre ng Ilocos Norte, at Duterte bilang Agila ng Davao na ipinagbunyi ng kanilang mga tagasuporta.

Naging panauhing pandangal din sa okasyon sina dating Pangulong Gloria Macapagal-Arroyo at ang tumatakbong gobernador sa Bulacan na si Willy Alvarado, gayondin ang mga lokal na kandidato sa lalawigan. (MICKA BAUTISTA)

About Micka Bautista

Check Also

Erwin Tulfo

Tulfo una sa bagong survey

NANGUNA si ACT-CIS party-list Rep. Erwin Tulfo sa pinakabagong senatorial preference survey na isinagawa ng …

Senate PCO

Seminar vs fake news hikayat ni Pimentel sa PCO para sa Senado

INIMBITAHAN ni Senate Minority Leader Aquilino “Koko” Pimentel III ang Presidential Communications Office (PCO) na …

Las Piñas Seal of Good Local Governance

Las Piñas City pinarangalan ng Seal of Good Local Governance 2024 ng DILG

SA KAUNA-UNAHANG PAGKAKATAON, pinarangalan ang Las Piñas City ng prestihiyosong Seal of Good Local Governance …

Siling Labuyo

Apela ni Kiko  
BANTAY SILING LABUYO, PRICE FREEZE SAKLAWIN

MAHIGPIT na implementasyon ng price freeze ang kailangan upang mapigil ang pagtaas ng presyo ng …

Black

Iwasan, mga kaalyado ni Duterte sa eleksiyon

ISANG grupo ng mapagmalasakit na Filipino ang umaapela sa mga botante na pumili ng kandidatong …