Sitcom ni John Lloyd sa GMA, tuloy na!

COOL JOE!
ni Joe Barrameda

FINALLY, tuloy na tuloy na ang upcoming sitcom ni John Lloyd Cruz sa GMA.

Ayon kay Lloydie (tawag kay John Lloyd) nang makausap namin noong Martes ng Hapon, all system go na ang sitcom nila na si Direk Bobot Mortis ang line producer. Hindi naman namin naitanong kung sino ang makakasama niya sa nasabing sitcom.

Ang alam namin ay hindi nila nakuha ang isang artista na sana ay gusto nilang makasama sa sitcom dahil hindi nila kaya ang mataas nitong TF.

Hawak na nila ang program contract mula sa GMA Management na kanilang pinag-aralan.

Naitanong namin kay Lloydie kung pipirma na ba siya ng isang network contract sa Kapuso Network, sagot nito, depende sa magiging outcome ng sitcom at kung maganda ang kalalabasan at working relationship nila rito.

Kung maganda ang ilalatag ng network sa kanya at magkasundo sila sa proyekto na ihahain sa kanya ay bakit naman daw hindi.

Oo nga naman. Wish namin na maging magandang simula ito ni Lloydie sa pagbabalik niya sa showbiz.