HATAW! D'yaryo ng Bayan hatawtabloid.com
NAG-POST kamakailan si Derek Ramsay sa kanyang Instagram ng isang litrato n’yang seksing-sexy, machong-macho, walang shirt, at naka-short lang.
May kasama siyang isang guwapo at matikas ding lalaki na mukhang mas bata sa kanya. At nakahubad ding gaya n’ya.
Caption ni Derek sa larawan: “Love and live life! [four rock on emojis]”
Mahigit na sa 10,000 ang nag-like sa posts ni Derek na ‘yon, at nangunguna roon si Pops Fernandez, na kamakailan ay pinagbintangang dahilan umano ng pagbi-break nina Derek at Andrea Torres.
Pero sa paglaon ay may netizen bashers na nag-comment sa posts ng aktor na sawa na sa babae si Derek kaya nanlalalaki na.
Kalmadong nag-reply ang aktor na “nephew po” ang lalaking kasama n’ya.
Nang may mga nag-comment pa uli na lover ni Derek ang kasama n’ya, inulit lang ni Derek ang sagot n’yang, “nephew” po.
Nagkaasawa na (ng babae), nagkaanak (na lalaki), at nagkaroon ng maraming girlfriend si Derek at bukod kay Andrea, kabilang doon sina Solenn Heussaff at Angelica Panganiban.
Ang reaksiyon nga pala ni Derek ay nag-post ng pictures n’ya na shirtless siya at pa-girl na may hinarot na lalaki at may caption na: “Ain’t over yet, I’m coming out!”
Actually, nakabibilib ang coolness ni Derek sa mga bashing sa kanya. Bago lumabas ‘yang pamba-bash na pinagdududahan ang gender n’ya, nagpahayag na siya sa isang Zoom interview sa radyo na naiinsulto siya sa nagaganap na kung kani-kaninong babae siya nali-link.
Mahabang pahayag n’ya: “May nagpa-picture sa akin, ‘yung girl na… she’s a fitness enthusiast, super sexy, oo. Humingi siya ng picture, umoo ako. Ngayon, girlfriend ko na raw,” bulalas ni Derek.
“Parang nakaiinsulto rin kasi, ‘di ba?
“Ako, very proud ako sa pamilya ko, ‘tapos ginaganoon nila. It reflects who my family is… kung paano nila ako pinalaki.
“For them to talk about me like that… alam mo… ano, artista tayo, it comes with the territory.
“Pero alam mo, tao rin kami. Masakit na kung ano-ano na lang ang pwedeng sabihin.”
Sa Zoom interview sa kanya ni Morly Alino sa DZRH, ipinakilala ni Derek ang maganda niyang pamangkin. Anak daw ‘yun ng sister ng aktor na kasama niya sa bahay.
Baka mapagkamalan na naman kasing girlfriend niya ang magandang pamangkin. Pati si Pops ay pilit ding ini-link sa kanya.
Sabi niya, “Actually, nabuntis ko na nga ang buong Pilipinas, eh, parang ganoon na nga, eh. Makikita na lang siguro natin in nine months.
“At sana naman, ang mga basher, after nine months na makita nila na hindi totoo ‘yung mga sinabi nila, mag-sorry na lang sila, sana.”
Nakabibilib ang pananatiling disente ni Derek, na isang Filipino-British, sa gitna ng pamba-bash sa kanya. Ba’t ‘di na lang kaya sila magkabalikan ni Andrea?
KITANG-KITA KO
ni Danny Vibas
