Heart kayang makipagsabayan malalaking pangalan sa luxury fashion industry

I-FLEX
ni Jun Nardo

PATULOY ang pamamayagpag ni Heart Evangelista sa global fashion stage.

Muling pinatunayan ng Global Icon Fashion ang impluwensiya niya sa international fashion scene matapos makapasok sa prestisyosong APAC Top Key Voices list. 

Nagtala si Heart ng $3.34 milyon na Earned Media Value (EMV) at na napakataas na 5.4 % engagement rate.

Sa kanyang natatanging presensiya at style, patuloy na pinatutunayan ni Heart na ang Filipina influence ay world class at kayang makipagsabayan sa pinakamalaking pangalan sa luxury fashion industry.

Samantala, tuluy na tuloy na ang pagbabalik ng bagong season ng Heart World sa GMA.