Monday , December 23 2024
arrest posas

Abusadong ina, tiklo sa pulisya (Anak ibinubugaw sa dating asawang dayuhan)

ARESTADO ang isang inang hinihinalang nagbubugaw sa sariling anak na dalagita sa dayuhan, sa isinagawang anti-crime drive ng Bulacan PNP sa lalawigan, nitong Sabado, 14 Nobyembre.

Kinilala ni P/Col. Lawrence Cajipe, provincial director ng Bulacan PNP, ang suspek na si Marilyn Pedrosa, 42 anyos, residente sa Barangay Sta. Cruz 2, sa lungsod ng San Jose Del Monte, lalawigan ng Bulacan, at ina ng menor de edad na biktima.

Batay sa imbestigasyon, unang humingi ng pahintulot ang biktima sa kaniyang ina na lumabas ng kanilang bahay ngunit nagalit ang suspek.

Humantong sa pananakit ang galit ng suspek at pinaghahablot ang damit ng anak at pinaghahampas na nagresulta sa mga pasa sa leeg ng biktima.

Nagsumbong ang isang concerned citizen sa San Jose del Monte City Police Station (CPS) kaya agad nagkasa ang mga awtoridad ng rescue operation katuwang ang social worker na nagresulta sa pagkaaresto ng suspek.

Sa isang malalimang pagsisiyasat ng pulisya, nabulgar na kinukunan ng suspek ng malalaswang larawan at video ang kanyang anak sa hiling ng isang dayuhan kapalit ng pera.

Napag-alaman din na ang naturang dayuhan ay dating asawa ng suspek. (MICKA BAUTISTA)

 

About Micka Bautista

Check Also

Muntinlupa

Sa ika-107 Anibersaryo ng Pagkakatatag
MUNTINLUPA NAGDIWANG SA DIWA NG TUNAY NA PUSO NG MAMAMAYAN

IPINAGDIWANG ng Lungsod ng Muntinlupa ang ika-107 Anibersaryo ng Pagkakatatag na isa sa mahalagang okasyon …

122024 Hataw Frontpage

DSWD relief goods inire-repack  
MALABON SOLON, ASAWA, 1 PA INASUNTO SA OMBUDSMAN

HATAW News Team INIREKLAMO sa Office of the Ombudsman sa kasong Qualified Theft at paglabag …

Chavit, umaariba sa poll ratings

HATAW News Team SA PAG-AKYAT ng kanyang grado mula 14.71% hanggang sa 26%, tila naging …

Barasoain Malolos Bulacan

Pamanang kultural ibinida ng Bulacan sa PH Experience Program ng DOT

IPINAGMAMALAKI ang mayaman at makulay na kultura ng Bulacan, ibinida ng mga Bulakenyo ang pamanang …

Listahan ng mga bawal na paputok at pyrotechnic device inilabas ng PNP

Listahan ng mga bawal na paputok at pyrotechnic device inilabas ng PNP

KASUNOD ng inspeksiyon ni PNP Chief P/Gen. Rommel Francisco Marbil sa mga tindahan ng mga …

Leave a Reply

Your email address will not be published. Required fields are marked *