Shake vendor ‘nagpahimas’ swak sa rehas

DERETSO sa kulungan ang isang shake vendor nang tangkaing ipahimas ang kanyang ari sa 16-anyos estudyante na umupo upang magpa­hinga sa tabi ng kanyang tindahan sa Navotas City, kamakalawa ng hapon.

Kinilala ni Navotas City police chief P/Col. Rolando Balasabas ang suspek na si Carlos Martos, 25 anyos, resi­dente sa Reyes St., Brgy. Bangkulasi na sinam­pahan ng kasong acts of lasciviousness in relation to RA 7610 sa piskalya ng Navotas.

Ayon kay Balasabas, naganap ang insidente dakong 12:30 pm sa puwesto ng suspek sa Leongson St., Brgy. San Roque matapos umupo upang magpahinga ang biktima na itinago sa pangalang  Osang, Grade 9, habang naghihintay ng masasakyan pauwi.

Bigla umanong inililis ng suspek ang palda ng biktima at sinabihan siyang huwag nang mag­kun­wari dahil naghu­humindig na sa galit ang kanyang pagkalalaki na nais ipahawak sa biktima pero labis na ikinagulat ng dalagita.

Pinigilan umano ng suspek ang dalagita nang tangkaing umiwas ngunit nagmakaawa ang biktima at sinabing isa siyang estudyante kaya’t hina­yaan siyang makatakbong palayo.

Pagsapit ng biktima sa kanilang tirahan sa Tondo, Manila, kaagad niyang isinumbong sa kanyang ina ang ginawa sa kanyang ng shake vendor kaya agad humi­ngi ng tulong ang ina sa mga tauhan ng Police Community Precinct (PCP) 2 na nagresulta sa pagkakaaresto kay Martos.

(ROMMEL SALES)