HATAW! D'yaryo ng Bayan hatawtabloid.com
DUMAYO ng Zambales ang kuwelang komedyante na si Ogie Diaz para ipakita ang kanyang suporta kay Jay Khonghun na tumatakbong bise gobernador ng Zambales.
Dito’y pinagkaguluhan ang talent manager at radio host na si Ogie sa kanyang pagpunta sa Zambales nitong nakaraang Linggo, April 28.
Nagtungo si Ogie sa Zambales upang personal na ikampanya si Zambales vice cubernatorial candidate Jay, na boyfriend ng kaibigang si Aiko Melendez. Pinatotohanan ni Ogie ang sinserong serbisyo sa bayan ni Jay sakaling mahalal nga siya sa puwesto.
Si Jay, three-termer mayor ng Subic ang tanging alkalde ng nasabing siyudad na nagpaunlad nito nang husto. Pati si Congressman Jeff Khonghun ay inendoso rin ng Kapamilya star.
Nagpasalamat sina Aiko at Jay kay Ogie sa ipinagkaloob na suporta sa kanila.
Pahayag ng award-winning Kapamilya aktres, “Malaking bagay ‘yung personal endorsement niya dahil iba rin ang kredebilidad ni Mader Ogie.”
Masayang dagdag ni Aiko, “Nagpapasalamat din kami na kahit na anong bato nila ng paninira sa amin, may naririnig kaming balita na sobrang taas ng ratings ni Vice Governor Jay sa mga independent local surveys dito.”
ALAM MO NA!
ni Nonie Nicasio
