NP, PDP-LABAN pumirma na sa Senate coalition

PINALALAKAS na ni President-elect Rodrigo Duterte ang kanyang partido at mga koalisyon na siyang susuporta sa kanyang mga radikal na reporma.

Ito’y makaraan magpirmahan sa kanyang harap sa Davao City ang Nacionalista Party at PDP-Laban sa tinaguriang “Coalition for Change.”

Mismong ang party president na si dating Senate president Manny Villar ang lumagda sa panig ng NP, gayondin si Sen. Koko Pimentel bilang presidente ng PDP-Laban.

Magugunitang tumakbo si Duterte sa nakalipas na halalan sa ilalim ng PDP-Laban, habang ang kanyang ka-tandem na si Sen. Alan Peter Cayetano ay miyembro ng Nacionalista.

Dumalo rin sa lagdaan si Sen. Cynthia Villar at anak si Rep. Mark Villar.

Kung maaalala, ang iba pang miyembro ng NP sa Senado na naglaban-laban din sa halalan ay sina Sen. Antonio Trillanes at Sen. Bongbong Marcos.

Lumakas ang mga prediksiyon na ang lagdaan ay simula na nang ‘realignment’ ng politika sa Senado.

Si Pimentel ang lumutang na susunod na Se-nate president.

Gayondin, si Cayetano ang pagiging kalihim ng DFA o DOJ makalipas ang isang taon.