Tuesday , March 11 2025

‘Vote buying’ laganap — CBCP, UP, DLSU prof

LAGANAP ang vote buying, ito ang nag-iisang reaksiyon ng simbahan, academe at civic groups sa nakaraang halalan nitong Mayo 9.

Sa Tapatan sa Aristocrat, nagkaisa sa kanilang mga pahayag sina dating Catholic Bishops Conference of the Philippines (CBCP) president Archbishop Oscar Cruz, University of the Philippines (UP) mass communication professor Dr. Danilo Arao, De La Salle University (DLSU) associate professor Richard Heydarian at Philippine LaRouche Society chairman Antonio ‘Butch’ Valdez.

Ayon kay Cruz, hayagan ang nakita niyang pamimili ng mga boto ng mga taong sumusupota sa ilang kandidato at may ilan din mga opsiyal ng administrasyon na sila mismo ang nag-aabot sa mga botante sa iba’t ibang lugar sa bansa, partikular sa Metro Manila.

Ganito rin ang reaksiyon ni Arao na nagsabing kung hindi man umano pamimili ang ginawa ng ilang kandidato ay ginamitan naman ng intimidation at pananakot ang mga botante para mapilitang iboto ang mga piling politiko.

Sinusugan ito ni Heydarian na sa kabila ng tunay na na-ging maayos, mapayapa at kapani-paniwala ang eleksiyon, nabigo pa rin ang Smartmatic sa kanilang tungkulin na maalis sa kaisipan ng mamamayn ang bahid ng pagdududa sa proseso ng halalan ngayong 2016.

Sa panghuli, sinabi ni Valdez na ikinatuwa ng mga ne-gosyante ang lumaganap na pamimili ng boto dahil nagresulta ito sa magandang takbo ng kani-kanilang negosyo bukod umano ang tanging pagkakataon na nararamdaman ng sambayanan  ang tunay na ‘trickle down effect’ ng ekonomiya.

About Tracy Cabrera

Check Also

Jose Antonio Ejercito Goitia

Pag-angkin ng China sa Palawan binatikos ng partylist nominee

SUMIKLAB ang matinding batikos matapos kondenahin ni Dr. Jose Antonio Ejercito Goitia, Chairman Emeritus ng …

Taguig

Kandidatura ni Direk Lino Cayetano, nabulilyaso

SA DESISYONG ipinalabas ng Taguig Regional Trial Court (RTC) Branch 153 nitong 5 Marso 2025, …

Pasig City

Tserman inireklamo kay Mayor Vico dahil sa ‘illegal’ multi-purpose hall

NAGHAIN ng reklamo sa tanggapan ni Pasig City Mayor Vico Sotto ang isang kompanya laban …

031025 Hataw Frontpage

Ombudsman kinalampag ng SINAG, graft vs NFA officials pinamamadali

NANAWAGAN ang Samahang Industriya ng Agrikultura (SINAG) kay Ombudsman Samuel Martires na kanilang isapubliko ang …

Enrico Roque Pandi Bulacan

KASONG RAPE VS PANDI MAYOR IBINASURA  
Bogus na biktima buking

HATAW News Team IBINASURA ng Regional Trial Court Branch 121 ng Caloocan City ang inihain …

Leave a Reply

Your email address will not be published. Required fields are marked *