HATAW! D'yaryo ng Bayan hatawtabloid.com
PINAGSAMA ni Love Kryzl at mga kapatid nito ang musika, negosyo, at pagpapahalaga sa pamilya sa isang makabuluhang selebrasyon ngayong taon.
Kasabay ng paglulunsad ng kanyang ika-7 original song na Hug, Breathe and Smile, ipinakita nila ang patuloy na paglago ng Kryzl Group of Companies at ang epekto nito sa mga empleado, partner, at komunidad.
Ang bagong kanta ni Love Kryzl ay hindi lamang tungkol sa pag-ibig kundi higit sa lahat, self-love at emotional healing.
Sa music video, tampok ang kanyang mga kapatid bilang simbolo ng pamilya at suporta, at inialay nila ang proyekto sa kanilang extended team. Ang mensahe ng kanta ay pagpapaalala sa mga tagapakinig na huminto, huminga, at maging mabuti sa sarili sa gitna ng stress at hamon ng buhay.
Kasabay ng awitin, inihanda na rin ni Love Kryzl ang kanyang selebrasyon para sa inaabangang 10th birthday concert sa Hulyo, na ilalabas niya ang kabuuang 10 original songs bilang handog sa kanyang mga tagasuporta at sa buong Kryzl community.
Ang concert ay magiging selebrasyon hindi lamang ng kanyang kaarawan kundi ng isang dekadang paglago, pagmamahal, at suporta mula sa pamilya, at komunidad.
Nagdiwang din ang grupo ng kanilang Purple Hearts 2nd Anniversary Thanksgiving Party, na pinagsama ang pagpapahalaga sa mga partner, empleado, at negosyo. Kasama rito ang pagkilala sa mataas na kalidad ng kanilang produkto at serbisyo, gayundin ng kanilang kontribusyon sa social responsibility at mga komunidad na kanilang sinusuportahan.
Dagdag pa rito, nakamit ng Love Kryzl and siblings ang prestihiyosong Superbrands recognition, na nagpapatunay sa kredibilidad, kalidad, at consistency ng kanilang brand. Sa aspeto ng visibility, patuloy ding lumalawak ang kanilang presence sa bansa, kabilang ang bagong billboard ng The Jorge Siblings sa Valenzuela, na simbolo ng kanilang pagmamalasakit sa pinagmulan at operasyon ng kanilang negosyo.
Para kay Love Kryzl at mga kapatid, ang tunay na tagumpay ay hindi lamang nasusukat sa musika o negosyo, kundi sa pagmamahal, pagkakaisa, at positibong epekto sa komunidad. Habang papalapit ang 10th birthday concert, malinaw ang kanilang mensahe: ang pagmamahal ang pundasyon ng lahat ng kanilang ginagawa.
