Archi Adamos sinuportahan pag-amin ng anak na LGBT member

RATED R
ni Rommel Gonzales

PASABOG ang pag-amin ng character actor na si Archi Adamos na may anak siyang babae na miyembro ng LGBTQIA+ community.

“I have seven children. There are two girls. “Actually, one girl is not a real girl. The rest are boys.

“No offense, I call her balake. She was a girl, as far as I’m concerned. She was a girl until she graduated high school.

“But right after high school, noong pumasok na siya sa P.U.P. [Polytechnic University of The Philippines] parang nagkaroon ng gender shift.

“Siyempre akala ko, marami siyang dinadala sa bahay, mga friend na babae.

“Only for me to realize na ‘yung iba pala roon, nanliligaw sa kanya.

“And then after sometime, after several years, iba naman ‘yung kanyang dinala.

“Sabi ko, ‘Sino naman ito ngayon?’ Sabi niya, ‘Girlfriend ko.'”

“‘So ano ka ba talaga ngayon?’ She mentioned to me a gender which I can no longer remember.

“So para bang, ‘O sige, okay lang. Kung ano talaga ‘yung gusto mo, roon ka.

“Importante, happy ka riyan and wala kang depressive stage.’

“Pero mayroon din siya, honestly speaking. She goes through that.”

Ano ang maipapayo niya sa ibang mga magulang na may anak na tomboy o bakla?

Malaking isyu kamakailan si Alvin Aragon na may stepdaughter na isang transgender na may isyung pagkuwestiyon ni Alvin sa pagpapalaki nina K Brosas, Gloc-9, at Ian Veneracion na may mga anak na miyembro ng LGBTQIA + community.

“It’s just to believe in what they say and for them to believe you as a father na iga-guide mo sila ng maayos.

“Magbibigay ka ng advice na sa tingin naman nila sensible or bagay sa takbo ng kanilang pag-iisip. Ganoon ang tingin ko.

“Best thing to do is just be yourself. Be honest, be truthful to them, because they see you as you are.

“They can see through you lalo na kapag nag-age ng kaunti,” pahayag ni Archi.

Samantala ay bida sina Archi at Aaron Villaflor sa Pater Noster, with Kayley Carrigan, sa panulat at direksiyon ni Moutaz Kotrob at mula sa LGK Films at Viva Films.

Ipalalabas ito sa mga sinehan simula sa March 25, 2026.