HATAW! D'yaryo ng Bayan hatawtabloid.com
NAKAKUHA ng mainit na pagtanggap si Sen Bam Aquino mula sa manonood sa pagdalo niya sa Get Get Aw! The SexBomb Concert rAWnd 3 sa SM Mall of Asia Arena.
Sa pagpapakita niya ng suporta sa sikat na early-2000s girl group, malakas na sigawan at palakpakan ang sumalubong kay Sen. Bam at kanyang asawang si Timi habang papunta sa kanilang upuan at sinamahan ang sold-out crowd sa panonood ng blockbuster concert.
Ilang beses ding sumigaw ang maraming manonood ng “SexBam!” na kombinasyon ng pangalan ng grupo at pangalan ng senador – at hinamon pa si Sen. Bam na ipakita ang kanyang dance moves.
Naglaan din ng panahon si Sen. Bam — na nakaupo sa tabi ni Arthur Solinap, asawa ni SexBomb leader Rochelle Pangilinan, at kanilang anak na si Shiloh — para makipag-selfie sa manonood bago magsimula ang concert.
Bago ang concert, bumisita rin si Sen. Bam at kanyang misis na si Timi sa dressing room ng SexBomb na nagkaroon ng pagkakataong makapagpakuha ng larawan kasama ang mga miyembro ng grupo.
“Ready na mag-Get, Get, Aw!” wika ni Sen. Bam sa Facebook.
Nagbahagi rin ang senador ng ilang larawan mula sa concert, kasama ang caption na: “GV muna after a long week. Fan mode muna at naki-Get, Get, Aw! sa early-2000s pop icons na SexBomb. Maraming salamat at congrats sa isang napakasaya at very successful na Rawnd 3!”
Sa hiwalay na post, nagbahagi rin si Sen. Bam ng video collage na nagpapakita ng tampok na parte ng event.
“Napasabak sa pag-Get, Get, Aww kagabi sa SexBomb Concert Rawnd 3. Sobrang enjoy! So far, okay pa naman ang likod ko,” wika niya.
