HATAW! D'yaryo ng Bayan hatawtabloid.com
MASAYANG ibinalitani Manila City Civil Registry Office (CCRO) Director Atty. Jaime Tejero, patuloy ang kanilang pagpapaigting ng Operation Birth Right para sa mga residente ng lungsod.
Ipinahayag ito ni Tejero, kasunod ng impormasyon na marami sa mga taga-Maynila ang walang birth certificate, marriage certificate o may mali sa pangalan.
Ani Tejero, inilalapit na nila sa barangay ang pagkuha ng mga birth at marriage certificate na kadalasang sa mismong city hall lamang maipoproseso.
Aniya, maaari nang kumuha ng birth certificate sa mga barangay upang maiwasan na rin ang congestion sa civil registry office.
Ipinatutupad ang Operation Birth Right sa mga barangay upang hindi na gumastos ng pasahe ang mga nais na kumuha ng birth certificate.
Sa ilalim ng pagseserbisyo ng CCRO, bukod sa birth at marriage certificate maaari rin iproseso ang late registration, death certificate, consultation at evaluation ng mga requirements para sa correction of entries sa live birth, marriage at pagpapalit ng pangalan.
