HATAW! D'yaryo ng Bayan hatawtabloid.com
DINAKIP ng mga awtoridad ang isang lalaki sa Brgy. Cruz na Daan, San Rafael, Bulacan na matagal nang pinaghahanap ng batas kaugnay sa kasong panggagahasa sa isang menor de edad.
Sa ulat ni PLt. Colonel Protom E. Guevarra, hepe ng San Rafael MPS, kinilala ang naarestong akusado na si a.k.a. Junior, 51 anyos, may asawa, construction worker, residente sa Brgy. Windmill Borol 2nd, Balagtas, Bulacan at No. 3 most wanted person sa municipal level.
Isinilbi sa akusado ang warrant of arrest kaugnay ng kasong “Qualified Rape of a Minor” na nakasaad sa Criminal Case No. 405-M-2026, walang inirekomendang piyansa.
Ang nasabing warrant ay inisyu ni Judge Theresa Genevieve N. Co, presiding judge ng Regional Trial Court Branch 17, Third Judicial Region, Malolos, Bulacan, sa ilalim ng TIP Control Number G-2026-003-PRO3-BULPPO-SRMPS.
Kasalukuyang nasa kustodiya ng San Rafael Municipal Police Station ang akusado habang isinasagawa ang kaukulang dokumentasyon at paghahanda sa pagbabalik ng warrant sa korteng pinanggalingan nito. (MICKA BAUTISTA)
