Annette Gozon inispluk Ellen wala na talagang balak mag-showbiz

I-FLEX
ni Jun Nardo

IKINATUWA ni Ms Annette Gozon Valdez, isa sa top executives ng GMA Network, ang lakas sa tao ng Cap-Heath (Caprice Cayetano at Heath Hornales) sa PBB Collab 2.0.

Ang Cap-Heath ang loveteam na nabuo ng latest PBB Collab na talaga namang hindi ma-evict sa Bahay ni Kuya.

Naging special guest ng Maritess University si Ma’am Annette via phone patch sa live edition ng entertainment online show na kinabibilangan namin through our co-host sa MU na si Allan Diones. Very humble, walang ere at masarap kausap.

Ipinaliwanag niya kung bakit hindi kasama sa cast ng series na collab ng GMA with ABS CBN ang ibang PBB Housemates sa unang collab gaya nina Shuvee Etrata, Charlie Flemming, Vince Maristela at iba pa.

May series kasi silang unang ginawa bago ang mystery thriller.

Ang nalaman namin kay Ma’am Annette, siya ang nakakita kay Ellen Adarna sa socmed kaya ipinahanap niya ito para maging GMA artist. 

Kamakailan eh nag-dinner sila pero… “Wala na siyang balak mag-showbiz. Maybe guestings muna. Nalaman ko na she’s stronger  now!”

Maraming salamat, Ma’am Annette!