HATAW! D'yaryo ng Bayan hatawtabloid.com
RATED R
ni Rommel Gonzales
NAHINGAN si Judy Ann Santos, habang magpa-Pasko naman na, kung may kantang 12 Days of Christmas, ng 12 meals/food for Christmas.
“Oh my gosh,” bulalas muna ni Juday. “Twelve meals? With diet or walang diet,” at tumawa ang aktres. “No diet? No diet ‘pag Christmas, ‘di ba?
“Of course Christmas ham! With dinner rolls. Andiyan ang truffle galantina, chicken galantina na may truffle rice sa loob.
“Tapos mayroon kang lechon belly, pork belly na crispy, ‘di ba?
“Tapos maglagay tayo ng salad para hindi naman, para you know, balanced meal. Ensaladang talong kasi perfect ‘yan sa crispy pork,” tili ni Juday.
“Panlima… of course Pinoy spaghetti, hindi puwedeng mawala, hindi talaga puwedeng mawala. Lumpiang Shanghai, hindi iyan puwedeng mawala.
“Aba maglalagay ako ng baked oysters! Na may laing, na may cream cheese.
“Siyempre maglagay tayo ng macaroni salad para Filipinong-Filipino. Maglalagay din tayo siyempre ng side dishes na potato salad na may longganisa para Filipino spread pa rin.
“Bago ‘yun ‘di ba, potato salad na may crumbled longganisa imbes na bacon? Uy,” at napapikit si Juday na tila sarap na sarap.
“Tapos… ay gusto ko rin ng relyenong bangus!.
“Dessert na tayo… eh ‘di leche flan. Leche flan at saka buco lychee.”
Using UFC Lychee, suhestiyon ng awtor na ito kay Judy Ann since isa sa mga bagong produkto ng UFC ay ang canned lychee.
“Of course! Very plump, matambok, namumutok-mutok, very juicy!
“That’s my twelve meals for Christmas.”
Si Judy Ann ang bagong endorser ng UFC na ang naging spotlight ay ang “UFC’s global-quality standards, its diverse culinary portfolio, and its continuing legacy of shaping the Pinoy palate”.
