HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ISA na namang milestone ang nagawa ng NDMstudios nang ilunsad nila ang limited edition na “Direku” commemorative figurine sa Le Verre Café & Bar sa Sct. Torillo, QC. at sobrang sulit ang celebration!
Ang “Direku,” na based sa viral hand-drawn online comic strip noong 2011 ay ang kauna-unahang IP character collectible ng NDMstudios—na parang Pop Mart figurine. Disenyo ito mismo ni Direk Nijel na kilala rin bilang animator and illustrator.
“Isa siyang director sa pelikula na obsessed humanap ng kanyang Ikigai o katuturan sa buhay,” kuwento ni Director Nijel, President-CEO ng NDMplus.
Dagdag pa ng masipag at astig na filmmaker, “Super-hyper, laging busy at todo-bigay sa pagtulong… pero ayun, madalas nauuwi na hindi siya nauunawaan ng kanyang mga tinutulungan.”
Limited talaga ang paandar na ito dahil 500 pieces lang ang ginawa na “Direku” figurine—kaya collector’s gold ito!
Present sa event ang sandamakmak na sikat sa entertainment industry! Nandoon sina Arci Muñoz, Kim Rodriguez, Richard Quan, Robert Seña, Nico Locco, Anthony Ocampo, Direk Rahyan Carlos, Josh Yugen, Ynez Veneracion, Gene Padilla, Moymoy Palaboy, Chichirita, Arnold Reyes, at marami pang iba.
Bukod sa launch, ipinakita rin nila ang bagong milestone ng NDMstudios para sa 2025: ang NDMplus. Ang NDMplus ay isang premium global streaming platform na dedicated para sa mga solid fans ng NDMstudios. Nauna itong inilunsad sa Singapore noong October at simula noon, sunod-sunod na sila sa paggawa ng films at series. Nang dahil sa kanilang NDM Expo sa Singapore, nakipag-collab na sila sa international entertainment giants tulad ng Sony, AMC Networks’ Acorn TV, ALLBLK, HIDIVE, Shudder, Sundance Now, Crunchyroll, Tubi, Roku Channel, OUTtv, Rakuten Viki at marami pang iba. Talagang bigatin!
Nagbigay din ng suporta si Ms. Annette Gozon-Valdes, Senior Vice President ng GMA Network: “We are here to show our support and appreciation sa creative collaborations ng NDMstudios with GMA and Sparkle,” aniya.
Present din ang ibang big bosses ng NDMstudios at NDMplus tulad nina Executive Vice President Jan Christine, Chief Legal Counsel Atty. Jiji Jorge, at Board Member/Director Carlo Alvarez.
Good news sa collectors abroad: available din ang “Direku” figurine sa Japan ngayong Christmas season hanggang early next year. Kasi siyempre, worldwide ang fangirling at fanboying para kay “Direku”!
