HATAW! D'yaryo ng Bayan hatawtabloid.com
PUSH NA’YAN
ni Ambet Nabus
PASABOG din si Sen. Imee Marcos sa katatapos na rally ng mga kapatid sa INC. Humataw nga ito ng pag-aakusa sa kapatid na pesidente ng bansa, bilang isa umanong adik.
Isinama pa nito si first lady kaya naman sa resbak ng pamangkin niyang si Cong. Sandro Marcos, tila nabuhay ang lumang usapin sa pagkatao ng senadora, bilang hindi naman umano tunay na anak ng yumaong dating presidente at itinuring na diktador na si FM Sr.
Ang gulo-gulo ng mga hanash nila nang dahil sa politika. Ngayon tuloy ay mas marami (kung hindi man ang buong sambayanan at mundo) ang nag-aabang sa hamon nilang magpa-DNA at magpa-hair follicle tests para malaman kung sino sa kanila ang nagsasabi ng totoo.
Grabe na talaga ang mga senaryong ganito sa buhay ng mga Pinoy. Niloloko, nanloloko, at nakikipag-lokohan na nga lang ang lahat para saan?
Hay, kalungkot.
