HATAW! D'yaryo ng Bayan hatawtabloid.com
PUSH NA’YAN
ni Ambet Nabus
SANIB-PUWERSA sina Beauty Gonzalez at Kris Bernal sa House of Lies.
First time na magsasama sa isang project si Beauty at ang nagbabalik-serye na si Kris para sa House of Lies.
Sey ni Beauty, masaya siya para sa comeback ni Kris. “I know ‘yung hunger and fire niya kasi ilang years din siya nagpahinga, so I know how it feels na ‘yung excitement mo pagbalik sa trabaho, ang dami mong baon.”
Pag-amin naman ni Kris, matagal na niyang gustong makatrabaho si Beauty, “Magaling talaga siyang artista. Medyo nape-pressure nga ako, kinabahan talaga ako.”
Talagang pang-malakasan ang upcoming GMA Afternoon Prime series na ito na bibida rin sina Mike Tan at Martin del Rosario. Kasama rin sa powerhouse cast sina Jackie Lou Blanco, Geo Mhanna, Kayla Davies, Angel Cadao, at Kokoy De Santos.
