HATAW! D'yaryo ng Bayan hatawtabloid.com
ALAM MO NA!
ni Nonie Nicasio
AMINADO ang tatlong bagets na sina Jam Leviste, Mia Japson, at Champ Rayan na excited na sila sa concert na pinamagatang “OPM: Then & Now”. Dito’y magsasama-sama bilang special guests ang iconic singer na si Ms. Leah Navarro, with the veteran singers na sina Richard Reynoso at Gino Padilla.
Wika ni Jam, “Excited na po ako kasi first time ko po na mag-concert at kasama pa po ang mga veteran singers na sila Ms. Leah Navarro at Sirs Richard Reynoso at Gino Padilla. Masaya po ako at nakasama ako sa concert na makakatulong sa mga batang may cancer.”
Ayon naman kay Mia, “The concert is a great opportunity to see new faces, hear new songs, meet new possible fans as well who’ll love the music I made and will make. Of course, to the cancer patients, this concert is all for you, stay strong and stay hopeful. The iconics… Ms. Leah, Sir Gino, Sir Richard. them performing would be amazing to see in their element. Kasi ang ibang artists po talaga may pre-show prep, I’d love to have my own soon!”
Sambit ng guwapitong si Champ, “Sobrang saya ko po and excited, kasi makakasama po namin ang magagaling na singers and thankful po sa TEAM, sa manager ko po na si Tito Audie, kay Tito Nonie at sa lahat po ng bumubuo ng TEAM Production po. Maraming salamat po sa tiwala.”
Ang espesyal na gabi ng musika ay gaganapin sa November 6, 2025 sa Music Museum, sa ganap na 7pm.
Ang OPM: Then & Now na handog ng The Entertainment Arts & Media (TEAM) ay isang fund raising concert para sa mga batang may cancer sa Child Haus na matatagpuan sa No. 1448 Agoncillo St. Manila.
Sina Mia at Jam ay dalawa sa featured artists dito, kasama sina Mygz Molino at ng grupong Styra na binubuo nina Calli Fabia, Joanna Lara, Angel Jamila, Ash Lee, at Hazel Valderama.
Si Ryan naman ay bahagi ng front acts kasama sina Jeri Violago, Anasity Jardeleza, Cye Soriano, Aleck Calata, Yunah Peliño, Jude Silva, Carlos and Dasha Zaballas, at ang G3 na kinabibilangan nina George, Ginz at Gil Froyalde. Magpapakita rin ng talento rito ang mga Daydreamer Entertainment Production artist na talents ni Direk Tonz Are na sina Prince Rae Dantes, Alfred Natividad, Jerome Francis, Cyper Ernelli Tabares, Cyline Emerlli Tabares, at Althea De Leon.
May special participation dito ang controversial talent manager and soon a recording artist na si Beverly labadlabad at Dan Lagroma, isang rising recording artist from Mindanao.
Sponsors dito ang Intele Builders and Development Corporation ni Ms. Cecille Bravo, Atty. Rey Bergado of InnerVoices, JKAS, Padi’s Restaurant & Bar, Go Print Services ni Wilbert Tolentino, Pwersa, Golden Legacy Jobmovers Corporation, Glomar Herbal Philippines Corp, Flashback Retro Bar, Tonz Grill & Sizzling Taps, 3JT Lights and Sounds & Ledwall Rental, at Emcor VOOA/WCEJA.
Nagpapasalamat ang TEAM sa supportive friends gaya nina Bulacan Vice Governor Alex Castro, Yuki Sonoda and Zenaida Sonoda, Zara Lopez, Ms. Tess Tolentino ng TTP Productions, Rozz Daniels, Diane de Mesa, at Richard Quan.
Mula sa pamamahala ni Direk Obette Serrano, ang tickets ay mabibili sa Music Museum sa halagang: VIP-2K, Orchestra -1K, at Balcony – P700.
