Dreamboi nakopo major at minor awards sa CineSilip

Ambet Nabus October 31, 2025 Entertainment, Events, Movie

PUSH NA’YAN
ni Ambet Nabus

BIGGEST winner sa kauna-unahang CineSilip Film Festival ang Dreamboi.

Halos nakopo nito ang major and minor awards kahit may anim na movies silang nakalaban.

Ito nga ‘yung entry na pinag-uusapan ng LGBTQ+I community dahil sa kakaibang atake raw nito sa mga kwento ng kafatid.

Bida rito sina Tony Labrusca, Migs Almendras Iyah Mina, EJ Jallorina, at Jen Rosa.

Si Rodina Singh ang producer/director ng movie na nakakuha ng Best Film, Best Director, Cinematography, Editing, Production Design, Sound, at Audience Award.

Second Best Film ang Pagdaong, habang 3rd Best Film ang Haplos sa Hangin, na nanalo rin ng Best Screenplay for Sonny Calvento and Mikko Baldoza.

Nagwagi namang Best Actor si Martin Del Rosario for Haplos sa Hangin at Best Actress si Angela Morena para sa Pagdaong.

Best Supporting Actor si Migs Almendras (Dreamboi), Best Supporting Actress si Chloe Jenna (Maria Azama: Da BestP*rn Star) at Best Musical Score si Paulo Almaden (Haplos sa Hangin).

Ang CineSilip ang sinasabing bagong platform ng Viva Entertainment sa kontrobersiyal na Vivamax o VMX.

Mapangahas man ang mga kwento at eksena, sigurado naman ang kalidad at ganda ng mga pelikula.