HATAW! D'yaryo ng Bayan hatawtabloid.com
PUSH NA’YAN
ni Ambet Nabus
MAY mga nagtatanggol kay Jodi Sta. Maria dahil sa pagkakabanggit ng pangalan nito sa naging rebelasyon ni mommy Inday Barretto laban kay Raymart Santiago.
Although isang paalala o pagsasabing, “mag-ingat ka” lamang ang nabanggit ng nanay ng mga kontrobersiyal na Barretto sisters sa showbiz, para sa mga nagmamahal kay Jodi ay ‘damaging’ na ‘yun.
Kasabay din kasi sa naturang ‘paalala’ ang pagsangkot sa aktres na dumano’y nagpayo naman kay Raymart na huwag pirmahan ang sinasabing ‘bentahan ng lupa o property’ na nasa pangalan ni Claudine at sinasabing pag-aari talaga ng aktres.
Mismong si mama Ogie Diaz ay may sariling bersiyon ng kwento hinggil sa isyu lalo’t may source umano siyang “broker” na nagsabing naiipit at posible pang makasuhan (o kinasuhan na?) si Claudine ng nakabili ng nasabing lupa.
Hati man ang saloobin ng mga nakapanood ng interview sa nanay ng Barretto sisters, hindi maipagkakailang marami silang nakuhang bagong sympathizers.
Mga sympathizer na ngayo’y nagtatanong at may pagdududa sa tunay na katauhan ni Raymart.
Kahit pa nga naglabas ng official statement ang legal counsel ng aktor, marami pa ring nagdududa at kumukwestiyon.
Sa pagsasalaysay kasi ni mommy Inday na 89 years old na, hindi rito makikita ang pangamba o takot man lang sa mga binibitawang paratang kay Raymart.
Punompuno ng conviction ‘ika nga considering na hindi naman siya isang aktres na matatawag gaya ng mga anak niya. Hindi rin napuputol ang paglalahad nito ng mga detalye at sa paraan niya ng pagkukuwento, ay naging very convincing siya.
On the other hand, nakilala naman sa showbiz si Raymart na hindi mapagpatol sa eskandalo at ito pa rin ang ipinanlalaban niya–ang manatiling tahimik at hayaan ang mga abogado niya ang magsalita.
