Cristine nang kumustahin lagay ng puso: very, very happy!

RATED R
ni Rommel Gonzales

AGAW-ATENSIYON sina Cristine Reyes at Gio Tingson na sweet na sweet sa book launch ng life coach na si Pia Acevedo na pinamagatang Here & Now: Moment to Moment.

Si Gio ang napapabalitang boyfriend ngayon ni Cristine.

Hindi naman itinanggi ni Cristine na espesyal si Gio sa buhay niya sa tanong kung gaano kasaya ang puso niya ngayon.

“Very, very happy! Ha! Ha! Ha!

“Super happy, and it’s different when you know you’re with the right person in your life.”

Pinutol na ni Cristine ang topic tungkol sa kanila ni Gio sa pagsasabing, ‘Okay na yan.’.

Base sa mga naglabasang report, si Gio ang 

Head of Public Affairs ng Grab mula noong 2024, National Youth Commission chairperson mula 2014 hanggang 2016, chief political officer ni Senator Bam Aquino (2016-2018), chair ng Akbayan Citizens Action Party (2018-2022), at associate lawyer sa isang law firm mula 2019-2021.

Napag-usapan naman ang tungkol sa pagkakaroon ni Cristine ng life coach na si Pia.

Through common friends sila nagkakilala ni Pia.

At dahil life coach ni Cristine si Pia, may sinusunod ba si Cristine na  life mantra o advice mula kay Pia?

“Mayroon, moment to moment.

“Kasi ‘di ba ako based on my experience, moment to moment, minsan nani-neglect na natin ‘yung mga simple things in life.

“So for me, I’m already 36, so I’m not saying naman that I’m old, but I’ve just been you know, working since I was 14, so 20 plus years na rin ‘yun, ‘di ba?

“So it’s important to cherish every moment that you have with you guys, like right now, this is actually a moment. 

“So sometimes we neglect those things.”

Nakatutulong rin daw sa kanyang pagiging aktres ang pagkakaroon ng isang life coach.

“I think so. It helps because sometimes… like me, with my line of work, hindi kami private, eh. Kumbaga kapag lalabas kami, sometimes you still need to work, ‘di ba? 

“You still need to entertain some people, take photos. 

“Even if you’re having a bad day sometimes, hindi puwedeng bad day ka, ‘di ba, hindi mo puwedeng pagbigyan.

“So for us, it helps. Mga public figures especially, kasi nakaka-drain din eh. It really helps us,” sinabi pa ni Cristine.