Kristine ibinuking ugali ni Dina: straightforward, blunt

RATED R
ni Rommel Gonzales

BIYENAN ni Kristine Hermosa si Dina Bonnevie dahil mister niya si Oyo Sotto, anak ng host/aktres kay Vic Sotto.

Kaya tinanong namin si Kristine kung anong klaseng mother -in-law si Dina.

“Nakatutuwa nga isipin kasi sa totoo kung tatanungin, well kung aalamin natin ‘yung sasabihin ng mga ibang tao feeling nila si Mama D, supladita.

“Parang kung ano ‘yung tingin nila sa akin ‘di ba, ganoon?

“So parang ako nakatatawa lang kasi she’s very… blunt.

“Alam mo ‘yun, straightforward!

“Eh ganoon din ako, so nagkakasundo kami.

“Kaya minsan ‘pag mayroong mga you know, mga parang, ‘Ay, bakit ganyan siya, very frank’, very ganyan.

“Sabi ko, ‘Ay, just understand.’ Natatawa nga ako sa pagka-straightforward niya, eh. Kasi totoo lang siya talaga.

“And ganoon din ako so, nagkakaintidihan kami ni Mama D,” lahad ni Kristine.

Magkakasama sila bilang mga host sa Youtube show na House Of D. Si Kristine, Dina, Oyo, Danica Sotto, at Marc Pingris na mapapanood sa https://youtu.be/WPWghF310YI?si=NBfbfxEil7Mv8izL

Samantala, si Kristine, thru Shyr Valdez at Rams David ng Artist Circle management, ang nag-cut ng ribbon sa grand opening ng Skinlandia beauty and wellness clinic sa ground floor ng The Viceroy Residences sa Mckinley, Taguig City.

Ang Skinlandia Mckinley branch ay pag-aari ng GMA actress na si Jess Martinez at mommy niyang si Jessieden Ali Martinez na franchise nila mula kay Noreen Divina (Skinlandia owner and CEO).