Nicco focus sa career, deadma sa bashing

RATED R
ni Rommel Gonzales

INAMIN ng Filipino/Italian actor/model na si Nicco Locco na naapektuhan siya ng mga bashin noon pero ngayon, hindi na.

“Ngayon? Hindi. Actually, mas motivated na ako.

“I used to take it personally kasi and now I’ve realized that they don’t know me personally. They don’t know who I am, I’ve never met them, so lahat tayo may puwet, lahat tayo may opinions.”

Puwet?

“Yeah, lahat tayo may puwet.

“We all have opinions. Everybody, you know what I’m saying? Just like we all have a puwet. Ha! Ha! Ha!

“Or a shoulder or whatever. Yeah, and na-realize ko na parang people nowadays with social media, it might not even be about me.

“They might be going through something in their life na galit sila, so for them to comment, baka it’s a release for them. Just to take it out on somebody else.”

O ang ibang basher ay masyado lang maraming libreng oras.

“True. True, right?”

Nakakaloka ang malupit na bashing na tinanggap na ni Nicco.

“Well, I’ve gotten death threats.”

Bakit naman siya papatayin?

“Exactly, right?”

Example?

“’Papatayin kita if I see you’, I don’t know the exact words, pero I just remember sometimes I wake up to those messages, eh. I don’t mind it.”

Alam naman ni Nicco na lahat ito ay bahagi ng pagiging artista at celebrity.

“Exactly. It’s what I signed up for.”

Sabi nga ng iba, mas okay na raw ma-bash dahil ibig sabihin ay relevant o sikat ang isang celebrity kaya naba-bash.

“True! I’m living rent-free in people’s minds.”

Na kapag hindi na-bash, ibig sabihin ay walang pakialam ang publiko sa isang tao.

“Exactly. Importante, I focus on my craft, magaling ako sa what I do, which is acting and I’m nice to the people around me, ‘di ba?”

Busy si Nicco sa kanyang acting career kaya deadma siya sa basher.

May international film siya na kinunan sa Canada, ang The World Treated Me Kindly. Gumawa rin siya ng proyekto sa VMX (dating Vivamax) ang Kolektor, ang vertical drama sa IWant TV na I Am Your Daughter, at ang historical movie na Quezon na bida si Jericho Rosales at tampok ang Hollywood actor na siIain Glen ng Game of Thrones na kaeksena ni Nicco madalas sa Quezon.