David out na sa buhay ni Barbie sa pag-eksena ni Jameson

PUSH NA’YAN
ni Ambet Nabus

KUNG ang kasabihang actions speak louder than words ang pagbabasehan, pwede nating i-conclude na may something more than being friends sina Barbie Forteza at Jameson Blake.

Simula kasing maintriga sila sa mga viral photo and videos na magka-holding hands, nagyayakapan, magkasama sa paggagala at iba pa, laging ang generic na “close friends” lang ang maririnig nating sagot nila.

Until nitong mga nakaraang linggo nga na halos sa isang viral video ay makikita nating tila nagmamadaling tumakbo si Barbie para makipag-yakapan kay Jameson sa isang parking area after ng premiere night ng horror movie na nagbida ang aktres.

And yes, last Saturday lang sa GALA Night ng GMA 7 ay muli silang nakitang masyadong magka-holding hands habang papalabas ng venue papunta raw sa after party venue.

Ang daming tsika na magkaibigan lang dahil sa fun run o mga event na may kinalaman sa ‘running,’ pero ‘yun nga, iba ang mga ikinikilos sa kanilang mga sinasabi.

Kaya pala sa iba na ipapareha si David Licauco, na balita namang may masayang lovelife sa isang non-showbiz girl?