Park Seo-Jun kinasabikan ng Pinoy, nagbahagi sikreto sa malusog na katawan

SHOWBIZ KONEK
ni Maricris Valdez

DUMAGUNDONG ang Big Dome noong Sabado ng gabi, July 12 sa pagbabalik sa Pilipinas ng Utimate Oppa, Park Seo-Jun para sa Century Tuna’s Ultimate Fan Fest na inorganisa ng Wilbros Live.

Tinupad ng Ultimate Fan Fest, na inorganisa ng Century Tuna, ang ilan sa mga wildest fantasy ng mga tagahanga kabilang ang isang pribilehiyo na makipag-date ng dalawang minuto kasama si Seo-jun.

Kitang-kita rin ang katuwaan kay Seo-jun habang kausap at kaharap ang mga tagahanga na dumagsa sa Araneta Coliseum para ipakita ang kanilang pagmamahal at suporta sa Korean Superstar.

“Being here itself is something that excites me a lot. Each and every one of you… you guys are great,”ani Seo-jun. 

“Currently, I’m working on a very hectic and busy schedule, but I’m very glad that through meeting you guys today, it gives me energy so that I can go back and work hard. 

“Recently, I’ve been going through shoots, staying in my sets, doing shoots for my upcoming works. But through this, feeling your love, I’m very happy,” dagdag pa nito

Bago ang Ultimate Fan Fest, nagkaroon muna ng press conference na ginanap sa Marco Polo Ortigas at talaga namang kahit ang media, nabighani sa kanyang magagandang ngiti.

Hindi lang ang charm ni Seo-jun ang minahal at nagustuhan ng fans sa kanya kundi ang ginawa rin ng Century Tuna, isang fan dedicated segments at program na ginawa ng Century. Nariyan ang combo ng fitness at fan service na naging dahilan upang maging extra kilig at extra inspired ang event.

At dahil lahat ay nagpo-post sa social media tungkol dito, kaya masasabing hindi iyon ordinaryong fan meet. Nagsilbi si Park Seo Jun ng mga pangunahing tauhan sa buong magdamag. At siyempre, hindi nagpapigil sa kilig ang pinakabagong Superbod! Ilang masuwerteng tagahanga ang sumama sa mismong leading man sa entablado para sa mga interactive na segment na walang tigil na nagpalakpakan ang mga ito.

Ang totoong scene stealer? Isang mas masuwerteng fan ang nagawang tuparin ang kanyang K-drama leading lady fantasy sa tapat ni Park Seo Jun sa isang espesyal na segment na tinatawag na Two Minutes with PSJ.  

Walang sinayang na oras ang Century Tuna at si Park Seo Jun gayundin ang fans. Sa  Hallyu Wave Wall sa Big Dome lobby, napuno iyon ng puro pagmamahal na mensahe ng fans para sa K-drama icon. At hindi iyon pinalampas ni Seo-jun, binasa niya iyon isa-isa at pinanood ang pinaghirapang tributes ng kanyang fans. 

Ibinahagi rin ni Seo-jun kung paano niya napanatiling maganda ang pangangatawan kahit mayroon siyang busy schedule. At dito lumabas din ang kapwa niya Tuna ambassador na si  Anne Curtis na kapwa nagbigay ng tips sa pagpapanatili ng healthy physique.

Kaya naman tamang-tama lamang na siya ang gawing Century Tuna Oppa dahil para mapanatiling malusog ay hindi nangangahulugan na dapat isakripisyo ang lasa para sa nutrisyon. Sa halip, ito ay tungkol sa pagtitiyak na makukuha mo ang pinakamahusay sa parehong mundo!

Nakipaglaro rin siya na nag-isip na animo’y isa siyang chef, na sumali sa isang demo ng recipe na nagtatampok ng Century Tuna’s Flakes in Oil, na perpekto para sa mga abalang tulad niya dahil madali ito at isang simpleng pag-aayos ng protina.