HATAW! D'yaryo ng Bayan hatawtabloid.com
PUSH NA’YAN
ni Ambet Nabus
SA ilang shows na inialok kay Luis Manzano na gustong balikan, ang Rainbow Rumble ang pinili nito.
Bukod sa entertainment and informative value, chill at hindi masyadong nakaka-stress o time consuming ang Rainbow Rumble.
“May mga bago lang kaming idinagdag for more fun and excitement,” sey ni Luis sa isang interview.
Ayon naman sa tsika namin kay Gov. Vilma Santos-Recto, pinayuhan niya ang anak na isa lang ang piliing show.
“Nagprisinta kasi siyang ipagpatuloy ‘yung mga project sa Batangas gaya ng inilatag niya during the campaign. Eh may mga cause -oriented at iba pang non-civic group na nag-volunteer na tutulungan siya. So kahit hindi siya pinalad manalo as Vice Gov, tututukan niya ang mga ‘yun at gagawin,” sey pa ni ate Vi.
Mas magiging “heavy” pa nga rin ang iskedyul ni Luis sa Batangas kahit nakabalik na ito sa TV at ilan pang showbiz commitments.
“Yes, tutulungan niya ako sa ilang mga gawain natin sa Kapitolyo dahil naka-align naman sa HEARTS program ‘yung advocacies niya. Volunteer nga lang siya,” dagdag pa ni Ate Vi.
