Ruru pinabilib ang doktor

RATED R
ni Rommel Gonzales

 MABILIS ang nagiging road to recovery ni Lolong lead actor Ruru Madrid mula sa kanyang hamstring injury. Ilang araw pa lang matapos maospital, balik-taping na agad si Ruru para sa serye.

Kahit willing mag-adjust ang program para makapagpahinga si Ruru, talagang pursigido ang Kapuso actor na gumaling agad at makabalik sa serye.

Halos normal na nga ang trabaho nito sa set. Nakakalakad na siya ng maayos at hindi na kailangan ng wheelchair o saklay. Ikinatuwa naman ito ng kanyang doctor.

“Nagulat din po siya actually na sobrang bilis po ng healing. But siyempre, sabi niya huwag ka pa rin mag-i-stunts na magiging delikado at posibleng bumalik ‘yung injuries. Sabi niya at least, ipahinga mo itong linggo na ‘to ‘tapos, try natin mag-MRI ulit. Kung healed na siya, mabibigyan ako ng clearance,” say ni Ruru sa isang panayam.

Wishing for your full recovery, Ruru!