HATAW! D'yaryo ng Bayan hatawtabloid.com
I-FLEX
ni Jun Nardo
TULOY lang ang kampanya sa Batangas ni Vilma Santos–Recto kahit may nagsasabing laos na siya at nananahimik na ang fans niya.
Eh kalaban ni Ate Vi ang nagpakawala ng mga salitang ito nitong nakaraang mga report. Kaya naman hindi si Ate Vi ang nagsalita kundi ang Comelec na, huh!
Ayon sa Comelec Commissioner, labag daw ang ginawa ng kalaban ni Ate Vi sa inilabas na guidelines nito sa pagkampanya.
Kaya naman padadalhan ito ng show cause order at sabihin kung bakit siya hindi dapat ma-disqualify.
Malakas kasi sa Batangas province si Ate Vi pati na si Luis Manzano na running mate niya at ang kandidatura ng anak na si Ryan Christian bilang congressman.
Sikat si Ate Vi kaya binabato hanggang politika, huh!
