MMFF 2024 exciting ang mga entry

PUSH NA’YAN
ni Ambet Nabus

TUNAY namang very exciting ang ika-50 anibersaryo ng Metro Manila Film Festival (MMFF).

Ito na marahil ang pinaka-bonggang taon sa panahong ito dahil lahat halos ng pinaka-kilalang mga artista ay mayroong entry.

Ang ating Queenstar for All Seasons Vilma Santos, ang masasabi ngayong “mukha” ng selebrasyon dahil siya na itong pinaka-beterana, haligi ng industriya, at nag-iisang film legend-icon na may entry via Uninvited. Kasama niya rito ang mga MMFF big stars ding sina Aga Muhlach at Nadine Lustre with several others na mga kilala ring magagaling.

Nandiyan din ang entry nina Vic Sotto at Piolo Pascual na The KINGDOM. 

Dalawa rin sila sa maituturing na ‘icons’ ng showbiz sa panahong ito. And of course, si meme Vice Ganda, sa kanyang And the Breadwinner Is entry.

In na in pa rin ang mga showbiz great na sina Judy Ann Santos at Lorna Tolentino na magkasama sa entry na Espantaho.

Bibida naman sina Dennis Trillo at Ruru Madrid sa Green Bones habang may entry naman sina Aicelle Santos at Bituin Escalante sa musical entry nilang HIMALA: Isang Musikal. 

Ang mga new generation of big young superstars ay may mga pasabog ding entries gaya nina Julia Barretto at Carlo Aquino sa Hold Me Close, ang FranSeth tandem nina Francine Diaz at Seth Fedelin sa My Future You. Sina Julia Montes at Arjo Atayde for Topakk at sina Enrique Gil–Jane de Leon– para sa Strange Frequencies: Haunted Hospital.

Kompletos rekados at lahat ay may mga co-star na maipagmamalaki plus mga scriptwriter and directors na mga award-winning din.

Oktubre pa lang pero dapat na po tayong mag-ipon ng pambayad sa mga sinehan para sa December biggest event na ito sa showbiz.