Albie kinompirma camera sa mga CR sa Bahay ni Kuya

PUSH NA’YAN
ni Ambet Nabus

“WELL, PBB has been in existence for so long now. Kung mayroon mang mag-leak na videos na kuha sa mga comfort room, eh ‘di alam na this. But there is none ‘di ba?,” sey ni Albie Casino na naging housemate rin sa Bahay ni Kuya.

Since nauuso nga ang mga viral video ngayon, naitanong sa dating housemate kung totoo ngang hindi ini-off ang mga camera sa CR ng PBB house?

“Yes, there are cameras inside the CR’s. Talagang naka-on siya,” susog ni Albie.

And since wala pa naman daw talagang kumakalat na CR video from the said house since it started more than decade ago, talaga raw very strict and sinusunod ng nasa show ang mga panuntunan ng reality show.

Napapadalas kasi sa mga usapan ngayon ang isyu ng exploitation o indecent acts involving wannabe stars and mga nasa likod ng nagpapatakbo ng production.

Napapanood si Albie ngayon sa Vivamax movie na BUTAS, ang kauna-unahang project na isinulat at idinirehe ni Dado Lomibao kasama ang mga artistang sina Angela Morena, Nathalie Hart, at JD Aguas.