HATAW! D'yaryo ng Bayan hatawtabloid.com
PUSH NA’YAN
ni Ambet Nabus
MARAMI ang pumupuri kay TV5 Chairman Manny V. Pangilinan dahil sa naging mabilis nitong pagtugon sa imbestigasyong ginawa hinggil sa kasong sexual harassment/molestation na idinulog sa show ni Sen. Raffy Tulfo.
Kaugnay ito ng reklamo ng isang bagong talent ng News and Current Affairs ng TV5 laban kay Cliff Gingco, program manager ng TV department.
At sa ginawa ngang imbestigasyon ng TV5 management, lumabas na may pananagutan ang nasabing opisyal kaya’t agaran nila itong sinibak sa trabaho.
Tinutulungan ngayon ng programa ni Sen Raffy ang biktima na nagsampa na nga ng kaso.
Kaysa pagpiyestahan pa sa Senate hearing ang kaugnay na kaso gaya ng nangyayari ngayon kina Sandro Muhlach at Gerald Santos, minabuti ng TV5 na sila na mismo ang magresolba ng problema sa bakuran nila.
Kaya naman pinupuri ang kompanya ni MVP dahil sa mabilis at makatarungang aksyon nito.
