HATAW! D'yaryo ng Bayan hatawtabloid.com
RATED R
ni Rommel Gonzales
TINUTUKAN ng mga Kapuso ang pagbawi ng mga inaapi sa hit GMA Afternoon Prime series na Lilet Matias: Attorney-At-Law.
Umani ng 1 million views sa loob ng anim na oras ang scene drop ng GMA Drama na makikita ang mainit na sagutan nina Tinang Ces (Glenda Garcia) at Atty. Meredith Simmons (Maricel Laxa). Todo-tanggol si Tinang Ces sa kanyang anak-anakang si Atty. Lilet Matias (Jo Berry) matapos itong pahiyain sa publiko ni Atty. Aera Simmons (Analyn Barro).
Sey ng netizens, “Galing ni Tinang Ces. Kahit hindi niya tunay na anak si Lilet, ipinaglaban niya. Magsisisi ka Lady Justice dahil sarili mong anak ang inaapi mo. Si Aera na ampon mo lang mas kinakampihan mo pa. Grabe ‘tong episode na ‘to ang ganda ng batuhan ng linya. Galing nilang umarte lahat!”
Dahil sa makabuluhang kuwento ng serye, consistent ang mataas na ratings nito at positive feedback mula sa mga Kapuso. Pero marami pang dapat abangan na twists and turns kaya tutok lang.
