HATAW! D'yaryo ng Bayan hatawtabloid.com
RATED R
ni Rommel Gonzales
PASABOG ang Widows’ War dahil sa main cast nito. Pinagsama sa upcoming serye ng GMA sina Bea Alonzo at Carla Abellana na tulad ng alam nating lahat ay kapwa may pinagdaanang hiwalayan sa kani-kanilang relasyon.
Naghiwalay ang ikakasal na sanang sina Bea at Dominic Roque samantalang ilang taon na ring hiwalay sina Carla at Tom Rodriguez.
At kamakailan ay nag-post si Bea ng maigsing behind-the-scene video ng taping nila para sa nalalapit nang ipalabas na mystery-thriller series.
Sa Instagram post ni Bea, nag-post siya ng reel na makikita siya at si Carla sa location ng taping nila, pati na rin ang ilan pa nilang co-star sa serye na sina Rita Daniela at Jeric Gonzales.
Speaking of Jeric, marami ang humanga sa hunky Kapuso actor dahil sa kabaitan nito sa mga taga-Muntinlupa City kamakailan.
Bago sumalang para haranahin ang mga participant ng Gawad Ulirang Ina 2024 sa event ay nagpapabili si Jeric ng mga bulaklak dahil nais nitong abutan ang mga ina habang kumakanta.
Although hindi na kinailangan na magpabili dahil may nakahanda namang bouquet of flowers sa event.
Ang naturang event nga pala ay pinangunahan nina Muntinlupa City Mayor Ruffy Biazon at Mrs. Trina Biazon.
Isa pang hinangaan kay Jeric, nang mahilingan ng isang pang kanta ay agad nagpaunlak ang binata.
Guwapo, maganda ang boses, mabait at maginoo, sino ba naman ang hindi kikiligin kay Jeric.
