Jo Berry kinilig nang dalawin ni Donny

RATED R
ni Rommel Gonzales

 DUMALAW sa set ng Lilet Matias: Attorney-At-Law ang Kapamilya actor na si Donny Pangilinan.

Sa Instagram post ng bida ng serye na si Jo Berry, ibinahagi nito ang photo kasama si Donny at may caption na, “May bisita sa set si Attorney Lilet! Thank you sa pagdalaw, Donny.” 

Kitang-kita rin sa video ang kilig ng aktres sa kanilang pagkikita. Nag-iwan pa ng komento si Donny at sinabing, “Nice meeting you!!!”

Kasunod niyan, nagpasalamat si Jo kay Ms. Maricel Laxa na kasama niya sa serye, dahil sa pag-imbita nito sa kanyang anak para bisitahin si Atty. Lilet.