HATAW! D'yaryo ng Bayan hatawtabloid.com
RATED R
ni Rommel Gonzales
ULTIMATE Runner sa Season 1 ng Running Man Philippines si Angel Guardian kaya natanong ito kung may extra effort siya na mas galingan para manalo muli ngayong Season 2?
Sagot ni Angel, “Actually this season po mas focused ako sa… na mag-enjoy ako. Kasi parang last season ang nasa isip ko is parang I play to win.
“Pero this season parang I play more to enjoy!
“Iyon talaga ‘yung nai-set ko sa utak ko na, ‘Siguro okay na ‘yung last season na talagang buhos lahat, buong lakas, lahat-lahat.
“Siguro this season, ahm… competitive pa rin naman ako pero hindi na… iba na ‘yung mindset ko., mas focused na ako na iyon nga, mag-enjoy, maka-bonding ‘yung mga runner, and makita kaming lahat na nag-e-enjoy, lahat nananalo.”
Ang iba pang runners ay sina Glaiza de Castro, Kokoy de Santos, Lexi Gonzales, Buboy Villar,Mikael Daez, at Miguel Tanfelix, pinakabagong runner.
At dahil sa pahayag ni Angel nangangahulugan ba ito na medyo naging “relaxed” na siya sa mga race nila sa Season 2?
“No po,” pakli ni Angel. “Kasi parang… iyon ‘yung essence ng ‘Running Man’ eh, kasi alam mo ‘yun, parang every mission we have to give our all.
“Para rin sa mga audience, para rin ma-enjoy nila, para rin mag-appear sa screen na, alam mo ‘yun, competitive kami, pero we enjoy.
“And we want to show that to people, I want to show that to people.”
Dagdag pa ni Angel, “Ayokong alisin sa sarili ko ‘yung pagiging competitive ko just because nanalo na ako.
“And it doesn’t mean na hindi ako mag-e-enjoy!”
Tinanong naman namin si Angel, sino among the six other runners ang itinuturing niyang naging pinakamahigpit na kalaban sa season 2?
“Ay! Parang si Buboy din,” at tumawa si Angel.
Mapapanood ang Running Man Philippines Season 2 tuwing Sabado at Linggo.
