Action series ni Ruru pang-international na

RATED R
ni Rommel Gonzales

PATULOY ang shower ng blessing sa Black Rider lead star na si Ruru Madrid. Bukod kasi sa tuloy-tuloy ang magandang ratings ng serye ay wagi rin ang nasabing action-packed series sa ginanap na New York Festivals TV & Film (NYF) Awards. 

Nasungkit ng show ni Ruru ang Bronze Medal sa Entertainment Program: Drama category at inalay niya sa mga unsung hero.

Say ni Ruru sa kanyang socmed post: “This recognition is dedicated to all the unsung heroes and Filipinos facing life’s challenges. We share this New York Festival medal with you. Many thanks to the judges, Kapuso, and the entire nation for believing that we can all be heroes like Black Rider.  To GOD be the Glory! MABUHAY!   #TatakPublicAffairs”

Bongga talaga dahil pang-international na ang primetime series ni Ruru under GMA Public Affairs na nanalo ang lahat ng entries this year. 

Talaga namang nagbububunga ang hard work ng Kapuso actor na hindi naklilimot na ibalik ang papuri sa mga taong sumusuporta sa programa. Ngayon nga ay mas marami pang dapat abangan sa pagsisimula ng bagong digmaan kina ni Elias at ng mga kalaban. Marami ring dapat abangan gaya ng crossover ni Doc Analyn (Jillian Ward) ng Abot Kamay Na Pangarap at mga bagong karakter tulad na lamang ni Vivamax A-list actress Angeli Khang. Mapapanood din sa serye sina Lianne Valentin, Luke Conde, Epy Quizon, Madam Inutz,  William Lorenzo, Yul Servo, at Matet de Leon.