Ngayong Sabado
CHESS TOURNEY SA SUAL, PANGASINAN

LALARGA ang Sual Open Chess Tournament ngayon Sabado, 23 Disyembre sa Kucina Karena Grill and Restobar sa Sual, Pangasinan.

Ipatutupad ang 7 Swiss system format ayon kay Woodpushers Chess Club-Sual Inc., president Beneric Ronas.

Ang magkakampeon ay tatanggap ng P15,000. Makakukuha ang second placer ng P10,000; third P5,000; fourth P3,000; at fifth P2,000 habang ang sixth hanggang tenth ay tatanggap ng P1,000.

Ang pinakamahusay na babae, pinakamahusay na senior, pinakamahusay na person with disability (PWD) at pinakamahusay na manlalaro ng Sual ay makatatanggap ng tig-P1,000.

Para sa Junior at Senior High school category, ang kampeon ay tatanggap ng P3,000, ang pangalawa ay makakukuha ng P2,000, ang ikatlo ay makakukuha ng P1,000 at ang ikaapat hanggang ikalima ay kikita rin ng P500 bawat isa.

Para sa kategoryang elementarya, ang kampeon ay mag-uuwi ng P3,000, ang pangalawa ay makakukuha ng P2,000, ang ikatlo ay P1,000 at ang ikaapat hanggang ikalima ay tatanggap ng tig-P500.

Tumawag o mag-text sa mobile number: 09276627837 para sa kompletong detalye. (MB)