HATAW! D'yaryo ng Bayan hatawtabloid.com
PUSH NA’YAN
ni Ambet Nabus
MAY mga nam-bash kay Alden Richards noong mag-guest ito sa It’s Showtime last Monday kasama si Sharon Cuneta.
May mga nagkomento namang tila hindi ito excited at kompara umano sa mga naging bisitang Kapuso star, walang-wala umano itong energy man lang.
Well,kahit saan naman yata lumugar si Alden ay may masasabi at sasabihin ang mga tao.
Basta ang nararamdaman naming totoo kay Alden ay ‘yung sensiridad niya with his mama Sharon.
Ramdam na ramdam namin ang pagiging anak niya kay mega hindi lang sa Metro Manila Film Festival (MMFF 2023) entry nilang Family of Two, kundi maging sa mga simpleng gesture nito.
Of course si mega naman ay sobrang proud at very cool sa pag-anunsiyong anak nga ang turing niya kay Alden at kahit sino pang nanay ay suwerte rito mapa-anak man nila o son in law ang aktor.
Mula sa Cineko Productions ang Family of Two.
Si kapatid-pareng Mayor Enrico Roque ang producer na muling nagpamalas ng kanyang pagiging super generous sa media friends.
Umapaw talaga ang mga bonggang prizes, giveaways, food at kahit napahaba ang kuwentuhan what with mega Sharon’s stories and etc. wala talagang umuwing luhaan at nag-enjoy makinig sa kung ano at paano nabuo ang Family of Two.
Super exciting nga ang MMFF 2023 dahil sa mga ganitong entries. Kaya naman tipid-tipid muna talaga kami dahil doon pa lang sa top 5 movies na plano naming ulit-ulitin eh mukhang dadami pa ito hahahaha!
Basta sa ngayon, pasok ang Family of Two sa aming top 5 alongside with When I Met You in Tokyo, Mallari, at Penduko. May isa pa kaming hinihintay masilip man lang ang trailer at makatsika ang mga bida para makompleto ang top 5. ‘Yung iba, wait muna ha, hahahaha!
