Alden bibida sa isang historical action-drama

MA at PA
ni Rommel Placente

MAY bagong serye si Alden Richards sa GMA 7, na isang historical action-drama titled 

. Kasama niya rito sina Barbie Forteza, David Licauco, at Sanya Lopez.

Sa serye, gaganap si Barbie bilang Adelina habang bibigyang-buhay naman ni Sanya ang half-sister nitong si Teresita.

Pareho silang bodabil stars kaya naman sasabak din sina Barbie at Sanya sa tap dancing at singing lessons.

Samantala, gagampanan ni David ang role ng isang Japanese soldier na si Hiroshi at bilang paghahanda ay mag-aaral ang aktor ng Nihongo.

Makikilala naman si Alden bilang si Eduardo, ang half-brother ni Adelina na may dugong Amerikano.

First time na makakatrabaho ni Alden sina Barbie at David. Pero hindi ito ang first time na makakatrabaho niya si Sanya dahil nagkasama na sila noon sa isang episode ng Magpakailanman.

“Lahat naman  yata pinangarap na makasama si Alden. Nagkasama na kami sa ‘Magpakailanman.’ Napakahusay niyang artista and grabe ‘yung support niya sa ibang mga artista,” sabi ni Sanya.

Dagdag niya, “Hindi siya madamot. ‘Yun ang na-observe ko kanya.”

Kasama rin sa powerhouse cast sina Epy Quizon, Angelu De Leon, Rochelle Pangilinan, at Aidan Veneracion. Base sa panulat ni Suzette Doctolero at direksiyon ni Dominic Zapata.

Iikot ang kuwento sa mga kaganapan sa bansa noong panahon ng World War 2.