Ruru babaguhin ang kulay ng primetime 

RATED R
ni Rommel Gonzales

MAGBABAGO na ang kulay ng primetime dahil nagpakilala na ang bagong bayaning magbibigay ng hustisya sa mga naaapi.

Mapapanood na after 24 Oras sa GMA Telebabad ang Black Rider na pinagbibidahan ni Primetime Action Hero Ruru Madrid. Makakasama niya rito ang iba pang bigating stars gaya nina Matteo Guidicelli, Yassi Pressman, Katrina Halili, at Kylie Padilla. Napakarami pang young at veteran actors ang mapapanood sa seryeng ito kaya talagang excited ang viewers.

Ang action-packed series na ito ay ang latest primetime offering ng GMA Public Affairs. Worth the hype ang serye dahil hindi lang basta-basta ang kuwento nito — masisilayan kasi rito ang elevated Pinoy action while emphasizing family love at heroism. For sure, maraming emosyon ang madarama ng viewers habang pinanonood ito at marami silang aral na mapupulot sa mga karakter.

Sabay-sabay nating alamin ang kuwento ng buhay ni Elias, ng Biyaheroes, Golden Scorpion Boys, at ng iba pang tauhan tuwing 8:00 p.m. sa GMA Telebabad.