Harapan nina Bea at Andrea inaabangan

RATED R
ni Rommel Gonzales

PAINIT nang painit ang mga eksena sa GMA primetime series na Love Before Sunrise.

Nagsisimula pa lang ang love story nina Stella (Bea Alonzo) at Atom (Dennis Trillo) pero marami nang challenges ang dumarating sa kanila. Bukod sa family problems ng isa’t isa, tuloy din sa pang-aakit si Czarina (Andrea Torres). Bibigay kaya sa tukso si Atom?

Samantala, mangyayari na ang pinakahihintay na faceoff nina Stella at Czarina. Mari-reveal na nga na si Czarina ang boss ni Atom na siya ring nagpa-suspend kay Stella sa trabaho. Sino kaya ang magiging mas matimbang sa buhay ni Atom?

Tutukan ang Love Before Sunrise, mula Lunes hanggang Biyernes, 8:50 p.m. sa GMA Telebabad. Pwede ring mag-stream sa Viu anytime, anywhere.