Proposal ni KD kay Alexa pinag-usapan

PUSH NA’YAN
ni Ambet Nabus

NANGGALING naman sa Bicol sina KD Estrada at Alexa Ilacad (plus iba pa) dahil pinasaya nila ang mga deboto ng Mahal na Inang Penafrancia last weekend.

Pinagkaguluhan ang KdLex sa Naga City na nagkaroon ng show para sa mga Bicolano at iba pang mga dumayo para sa nasabing okasyon.

Pinag-uusapan pa rin sa socmed ang sinasabing ‘proposal’ ni KD kay Alexa na siyempre ay ikinasaya ng kanilang mga tagahanga.

By the time na lumabas ito, marahil ay naging bongga din ang pag-uusap sa naging partisipasyon nila sa ABS-CBN Magic Ball.

Samantala sa Albay naman nagpunta ang tropang Gandara Beks nina meme Vice Ganda para naman sa shooting yata ng nasabing project o mayroon ding show o ganap ang tropa.

Kaya pala ilang araw din nating ‘di napanood sa It’s Showtime sina meme though last Friday, Sept. 29 ay personal nitong tinanggap ang award mula sa FDCP (Film Development Council of the Philippines) bilang isa sa mga natatanging ‘comedian icons’ ng bansa.

Hindi pa rin ito nagbibigay ng anumang pahayag kaugnay ng isyu sa MTRCB at sa programa nilang It’s Showtime.