LA Santos nag-workshop para sa pelikula nila nina Maricel at Dick

MA at PA
ni Rommel Placente

NAPANOOD na namin ang teaser ng pelikulang In His Mother’s Eyes mula sa 7K Studio na bida sina Maricel Soriano, Roderick Paulate, at LA Santos at sa direksiyon ni FM Reyes.

Sa pelikula ay gumaganap sina Maricel at Roderick bilang magkapatid. At si LA naman ay bilang anak ni Maricel na isang special child.

In fairness, ang husay ng tatlo sa pelikula. 

Sa confrontation scene nina Maricel  at Kuya Dick, lutang na lutang ang kanilang pag-arte. Hindi sila nagpakabog at nagsapawan. 

Si LA rin ay nagampanan ng buong ningning ang kanyang role. Para talaga siyang isang tunay na special child. Na ayon sa kanyang Mommy Flor ay dumaan muna sa acting workshop bago isinalang sa shooting ng kanilang pelikula para maging effective sa kanyang role, na nangyari naman.

Intended ang pelikula sa Metro Manila Film Festival 2023. Sana ay mapili ito ng screening committee ng taunang film festival.