Mikoy ‘posibleng masapawan si David 

PUSH NA’YAN
ni Ambet Nabus

NAKATUTUWANG kausap si Mikoy Morales dahil no holds barred kumbaga ang mga sagot nito.

Hindi naman siya nagpapa-bibo pero sa talas niyang mag-isip, bibong-bibo ang aura ng committed artist na napaka-natural magpatawa.

May dalawang movies na kasali sa Cinemalaya 2023 si Mikoy. Nandiyan ang Rookie na ang role niya ay anti-thesis ng mga bidang babae na nakasentro sa larong volleyball.

Then, mayroon siyang Tether, na rambulang love story ang peg kaya’t may mga eksena siya at katambal na si Jorybelle Agoto na seksing horror. This August 4-13 ang Cinemalaya sa CCP theater.

Excited si Mikoy na mapanood ng buo ang dalawang entries niya. Hindi dahil sa nag-pi-feeling Dolly de Leonsiya (tawag sa mga committed artists na sumikat internationally), kundi gusto niyang ma-feel na tama ang mga desisyon niya sa kanyang career.

Kasama si Mikoy sa series na Maging Sino Ka Man nina Barbie Forteza at David Licauco. Siya ang gaganap na sidekick ni David (dating role ni Dennis Padilla sa movie version) at hindi kami magugulat kung masapawan man niya si David sa mga eksena nila hahaha