Joko ratsada sa paggawa ng pelikula sa Viva

REALITY BITES
ni Dominic Rea

NAKASALAMUHA ko ang mahusay na aktor na si Joko Diaz last week habang nagsusyuting ng pelikulang Sex Hub ni Direk Bobby Bonifacio for Vivamax. 

Nasa isang dekada kong hindi nakita si Joko pero noong makita niya akong pumasok sa standby area namin, touching nang batiin niya ako at kinamusta.

Mahal ko ang pamilya nila dahil close rin sa akin noon si Cheska Diaz. 

Anyways, ratsada ngayon sa paggawa ng pelikula sa bakuran ng Viva si Joko. Maganda kasi ang naging deal maybe nila ni Boss Vic Del Rosario na itinuring na tatay-tatayan at kaibigan ni Joko sa panahon pa man ng kanyang amang si Paquito Diaz. 

Well-mannered talaga si Joko at ‘yan ay isa lamang sa mga magagandang naging kaugalian ng mga artista noong 90’s na aking naabutan. Marunong silang rumespeto at magbigay pugay at tinatandaan talaga nila ang mukha ng mga reporter. Unlike ngayon, naku, ‘yung iba, ilang beses mo ng nakasalamuha at nainterbyu, kapag nakita ka kahit saan, hindi ka kilala at hihintayin pa talaga nilang ikaw ang unang bumati sa kanila. 

Kaya sila ngayong mga nag-aartista, ayan, susulpot lang bigla at nawawala rin. Iba ang 70’s 80’s, at 90’s na mga artista, tumatatak talaga sila. Kaya nagtatagal sila until now!